Christiane Taubira
| Dialäkt: Mìlhüüserisch |
D Christiane Taubira (* 2. Hornung 1952 z Cayenne, ìn dr Frànzeescha-Guyane) ìsch a frànzeescha Politikera, vu dr lìnksorientiarta Pàrtei „Walwari“. Sa ìsch vu Mai 2012 bis Janner 2016 d Justizminischtera vum Frànkrìch gsìì.
Jugend un Studia
[ändere | Quälltäxt bearbeite]D Christiane Taubira ìsch d Tochter vu-n’ra Krànkapflagera, wo ìhra elf Kìnder allei hàt müeßa ufziaga.
Sa hàt soziàlekonomischa Wìssaschàft z Pàris gstudiart. Sa hàt aui a Diplom ìn Soziologie, ìn Àfroàmerikànischa Ethnologie un ìn Lawesmìttelwìssaschàft. Àls fremdsprocha kààt sa Anglisch, Spànnisch un Portügesisch.[1]
Sa ìsch Lehrera ìn soziàlekonomischa Wìssaschàft worra. Sa ìsch - unter àndra - d Diraktera vum CNAM (Schüel „Conservatoire national des arts et métiers“) vu dr Frànzeescha-Guyane gsìì.
Politischa Kàrriar
[ändere | Quälltäxt bearbeite]D Christiane Taubira hàt ànna 1978 ìn dr Politik ààgfànga, àls regionàlischtischa Àktivischta fer d Guyane. Noh 1981, wo dr François Mitterrand dr Präsidant vum Frànkrìch worra ìsch, hàt sa mìt dam Separatismus ghàlta, wial’r vu da Guyane-Iwohner nìmm so unterstìzt gsìì ìsch.
Àm 30. Novamber 1992 hàt sa mìt em Roland Delannon (ìhrem Mànn) d lìnksorientiarta Pàrtei „Walwari“ grìnda.
Ànna 1993 ìsch sa, àls Kàndidàtin vu dara Pàrtei, fer d Frànzeescha-Guyane ìn d frànzeescha Nàtionàlversàmmlung kumma. Sa ìsch ànna 1997, 2002 un 2007 wìder gwählt worra.
Vu 1994 bis 1999 ìsch sa Àbgeordneta der dr „Parti radical de gauche“ ìm Europàpàrlament gsìì.
Àm 21. Mai 2001 hàt sa a Gsetz ìwer d Ànerkànnung vum Sklàvahàndel igfiahrt. Dàs heißt jetz s „Taubira-Gsetz“, as geht um dr Hàndel dur Europà vu da Schwàrza üs Àfrikà noh-n-em XV. Johrhundert, wo jetz àls Verbracha gega d Menschheit gìltet.[2]
Ànna 2002 hàt sa fer d Pàrtei „Parti radical de gauche“ àn dr Präsidantschàftswàhl ìm Frànkrìch mìtgmàcht, do hàt sa ìm erschta Wàhlgàng 2,3 % vu da Stìmma bikumma.
Vum 16. Juni 2012 bis àm 27.Janner 2016[3] ìsch sa Justizminischtera ìn dr Regiarung vum Jean-Marc Ayrault gsìì. Ànna 2013 hàt sa a Reform igfiahrt, wo d Homosexuella Ehe ìm Frànkrìch gsetzlig erlàuibt.
Privàtlava
[ändere | Quälltäxt bearbeite]D Christiane Taubira ìsch zwànzig Johr làng mìt em Autonomischt Roland Delannon ghirota gsìì. Àn da regionàla Wàhla vu 1998 hàt'r àwer a Lischta gega sina Fràui ufgstellt. Noh dara politischa Kriisa han sa ànna 2002 gscheida.
Üszeichnunga
[ändere | Quälltäxt bearbeite]D Christiane Taubira hàt d Üszeichnung „Grand-croix“ (Groß Kritz, a hocha Stufa), ìn dr frànzeescha „légion d'honneur“.
Biacher
[ändere | Quälltäxt bearbeite]- L'Esclavage raconté à ma fille, Paris, Bibliophane, 2002 (Nohdruck 2006 un 2015) (ISBN 2-86970-064-4 et 2-86970-122-5).
- Codes noirs: de l'esclavage aux abolitions, Paris, Dalloz, 2006 (ISBN 2-247-06857-X) (Ileitung).
- Rendez-vous avec la République, Paris, La Découverte, 2006 (ISBN 978-2-7071-5091-2).
- Égalité pour les exclus: le politique face à l’histoire et à la mémoire coloniales, Paris, Temps Présent, 2009 (ISBN 978-2-916842-01-1).
- Mes météores: combats politiques au long cours, Paris, Flammarion, 2012 (ISBN 978-2-08-127895-0).
- Paroles de liberté, Paris, Flammarion, 2014 (ISBN 978-2-08-133688-9).
Weblink
[ändere | Quälltäxt bearbeite]
Commons: Christiane Taubira – Sammlig vo Multimediadateie